Zoneelire

Pas "Gumball 3000", Kryeministri shpreson të sjellë Merkelin

Shqipëria është kthyer në "parajsën" e aktiviteteve motoristike. Pas "Gumball 3000", garës me makina supersportive, nga data 29 deri më 31 maj, në vendin tonë do të kalojë "Eurobiker Tour 2007", një turne bamirësie me motorë. Këtë radhë nuk bëhet fjalë për multimiliarderë dhe makina luksoze, por për persona të thjeshtë, të cilët do të nisen nga Gjermania për të vizituar disa nga vendet e Ballkanit, ku Shqipëria do të jetë një nga etapat më të rëndësishme. Ashtu si për "Gumball 3000", aktiviteti nuk është bërë ende publik nga shteti shqiptar, ndonëse Kryeministri Sali Berisha figuron mes promotorëve dhe financuesve të këtij turneu.